Tere ishq ki intiha chahta hoon

Tere ishq ki intiha chahta hoon
Meri Saadgi dekh kya chahta hoon

Sitam ho ke ho wada-e-behijabi
Koi baat sabr-aazma chahta hoon

Yeh jaanat mubarak rahe zaahidon ko
Ke main apka saamna chahta hoon

Zara sa toh dil hoon magar shauq itna
Wohi lantaraani suna chahta hoon

Koi dum ka mehmaan hoon aye ahle mehfil
Chirag-e-sehar hoon bujha chahta hoon

Bhari bazm mein raaz ki baat kehdi
Bada be-adab hoon saza chahta hoo